Menu

×
ტესტები

დრო: 3:00:00

ლიტერატურის 2025 წლის ტესტი

დრო: 3:00:00

ქულა: 0 / 0

1. „შუშანიკის წამებაში“ იაკობ ხუცესი დედოფლის სამკაულების შესახებ ამბობს: „ყოველივე მომიძღუანა და მივართუ პიტიახშსა. და მან მიიღო ჩემგან, აღიხილა, და იპოვა ყოველი გებულად“. რას ნიშნავს სიტყვები: „იპოვა ყოველი გებულად“ ?

2. გაიხსენეთ „აბო თბილელის წამებიდან“ ნერსე ერისთავის აფხაზეთიდან გამოსვლის ეპიზოდი. რატომ სთხოვა მთავარმა აბოს აფხაზეთში დარჩენა?

3. რატომ გააჩაღა გრიგოლ ხანძთელმა საეკლესიო-სამონასტრო მშენებლობა ტაო-კლარჯეთში?

4. ყურადღებით წაიკითხეთ ნაწყვეტი „ვეფხისტყაოსნიდან“: „ქალი ადგა, გამეყარა, დავწევ, ამოდ დამეძინა, მაგრა შევკრთი, საყვარელი ჩემი ვნახე ძილსა შინა, გამეღვიძა, აღარა მყვა, სულდგმულობა მომეწყინა, ღამე ასრე გავათენე, მისი ხმაცა არ მესმინა“. რას ნიშნავს სიტყვები: „სულდგმულობა მომეწყინა“ ?

5. ყურადღებით წაიკითხეთ ნაწყვეტი „ვეფხისტყაოსნიდან“: „მოიხმო მისი გამზრდელი ერთგული, ნაერთგულევი, უბრძანა: „ჩემი საჭურჭლე, შენგან დანაბეჭდულევი, მომართვი ჩემი ყველაი, ჩემი ნაუფლისწულევი“. მოართვეს, გასცა უზომო, უანგარიშო, ულევი“. რა განძეულობა იგულისხმება სიტყვებში: „ყველაი, ჩემი ნაუფლისწულევი“ ?

6. ყურადღებით წაიკითხეთ ნაწყვეტი დავით გურამიშვილის „დავითიანიდან“: „ერთი კაცი უკუღმართად ვნახე ერქვანთ ასხამს ფთებსა, კვლავ მეორე მისებრ მრუდსა მისთვის კაბდოს აკეთებსა. მხვნელსა ვკითხე: „რად ეგრეთ იქ?“ თქვა: „ძალა ხნავს აღმართებსა“, მფარცხველმა თქვა: „დაღმა ვფარცხავ, აღმა ხნულსა ეს მართებსა“. რა არის მოცემული სტროფის მთავარი სათქმელი?

7. სულხან-საბა ორბელიანის წიგნში „სიბრძნე სიცრუისა“ მეფე ფინეზის შესახებ ვკითხულობთ: „სიფიცხლე და უწყალოება ჯავრისანი გულისაგან ღვთის შიშისა ნიავით გაექარვებინა“. რას ვიგებთ ფინეზის შესახებ ამ მონაკვეთში?

8. გაიხსენეთ გრიგოლ ორბელიანის ბიოგრაფია. ჩამოთვლილთაგან რომელი ფაქტი არ არის სწორი?

9. გაიხსენეთ ნიკოლოზ ბარათაშვილის ლექსი „შემოღამება მთაწმინდაზედ“. რას მიემართება სიტყვები: „გულდახურულთა მეგობარო“ ?

10. ნიკოლოზ ბარათაშვილის პოემაში „ბედი ქართლისა“ სოლომონი მეფე ერეკლეს მიმართავს: „იცი, მეფეო, რომე ივერნი იქმნებიან რუსთ ხელთ ბედნიერნი? სახელმწიფოსა ერთობა სჯულის არარას არგებს, ოდეს მის შორის თვისება ერთა სხვადასხვაობდეს“. რას ნიშნავს სიტყვები: „ერთობა სჯულის“ ?

11. გაიხსენეთ ილია ჭავჭავაძის „მგზავრის წერილები“. რამ მოაგონა ავტორს რუსთაველის სიტყვები: „ჰე, სოფელო, რაშიგან ხარ, რას გვაბრუნებ, რა ზნე გჭირსა…“ ?

12. აკაკი წერეთლის პოემაში „თორნიკე ერისთავი“ ვკითხულობთ: „ბრძანა თორნიკემ: – გაურჩეველად, ქართველი იყოს, გინდა სპარსელი, გინდა ბერძენი, გინდა სომეხი, სულ ერთიანად მოჰკიდეთ ხელი!.. ვეცადოთ ყველა და ნუ დავაკლებთ დაჭრილებს მოვლას და მკვდრებს – სამარეს“. თორნიკე ერისთავის რა თვისება ჩანს ამ მონაკვეთში?

13. გაიხსენეთ ვაჟა-ფშაველას პოემა „სტუმარ-მასპინძელი“. რა რეაქცია ჰქონდათ ქისტებს, როდესაც ჯოყოლას სიკვდილის ამბავი შეიტყვეს?

14. ყურადღებით წაიკითხეთ ნაწყვეტი ვაჟა-ფშაველას ლექსიდან „კაი ყმა“: „პირველად ომის დამწყები, ბრძოლის ველს ბოლოს სწირავდეს...“ კარგი ყმის რა თვისება ჩანს ამ სიტყვებში?

15. დავით კლდიაშვილის მოთხრობაში „სამანიშვილის დედინაცვალი“ ვკითხულობთ: „ბეკინას თავისი თავი მდიდრებში მოჰქონდა და ვინ იქნებოდა, რომ თავის სიღარიბეზე ერთი სიტყვა წამოეცდევინებინა ბეკინასთვის? როგორც იმერეთში ამბობენ, ერთობ გადაპრანჭული იყო ჩვენი ბეკინა“. როგორ ახასიათებს ავტორი ბეკინა სამანიშვილს?

16. ნიკო ლორთქიფანიძის მოთხრობაში „შელოცვა რადიოთი“ ვკითხულობთ: „მილიციამ გალახა სამსახურში მყოფი სარდალი. სახალხო გვარდიელებმა გაასამართლეს თამასუქზე მომჩივან-მოპასუხე და განაქორწილეს ცოლ-ქმარი... სადღაც დაიკარგა შაქრის მთელი საწყობი, – ვერც გაიგეს, სად წავიდა... ძაღლებს მიუგდეს მოკლული ადამიანის ცხედარი. და აღშფოთებული პუბლიცისტი ყვიროდა, ძაღლებს მაინც ნუ გაუფუჭებთ ზნესო...“ რა არის მოცემული მონაკვეთის მთავარი სათქმელი?

17. ყურადღებით წაიკითხეთ ნაწყვეტი გალაკტიონ ტაბიძის ლექსიდან „თოვლი“: „მომწყურდი ეხლა, ისე მომწყურდი, ვით უბინაოს – ყოფნა ბინაში... თეთრი ტყეების მიმყვება გუნდი და კვლავ მარტო ვარ მე ჩემს წინაშე“. რა განაპირობებს ლირიკული გმირის განცდებს?

18. ყურადღებით წაიკითხეთ ნაწყვეტი გიორგი ლეონიძის ლექსიდან „ყივჩაღის პაემანი“: „ხოხბობას გნახე, მიწურვილ იყო როცა ზაფხული რუსთაველისა, ნეტამც ბადაგი არ დამელია და იმ დღეს ხმალი არ ამელესა!“ ლირიკული გმირის რა სულიერი მდგომარეობაა ასახული ამ ნაწყვეტში?

19. გაიხსენეთ გურამ რჩეულიშვილის მოთხრობა „ალავერდობა“. რატომ ეპარება გურამი მოქეიფეთა ჯგუფს „სანადიროდ გამოსული კატუნიას ნაბიჯებით“ ?

20. გურამ დოჩანაშვილის მოთხრობაში „კაცი, რომელსაც ლიტერატურა ძლიერ უყვარდა“ ვკითხულობთ: „რესპონდენტი თავისას ფიქრობს, თავისასვე ფიქრობს ხელმძღვანელი, და მხოლოდ მე არ ვიცი, რა ვქნა... მახსენდება საშინელი, საზარელი სიტყვა „ჩამომალაბორანტეს“. რას ნიშნავს სიტყვა ჩამოლაბორანტება?